بننزّل على مصنعك طبقة رقمية من تلاتة مستويات: نظام يمسك الشغل، وأتمتة تخلي الأنظمة والماكينات تتكلم مع بعض، وذكاء اصطناعي يرد ويحلل وينبّه. وتدخل من المستوى اللي مشكلتك فيه — ما لازم تبدأ من الأول.
الجرد في كشكول، والمبيعات في إكسل، والطلبات في واتساب. وما بتعرف كلفة القطعة الحقيقية ولا مين مديون ليك.
تبدأ من الهيكل — النظام ←موظف بينقل بي إيدو من نظام لنظام، وتقرير يومي بياخد ساعة، ونفس الرقم بيتكتب مرتين وبيطلع مختلف.
تبدأ من الأعصاب — الأتمتة ←حد يرد على الزبائن ليل ونهار، ويقرا الصور والمستندات، وينبّهك قبل ما المشكلة تكبر — بلا موظف إضافي.
تبدأ من الدماغ — الذكاء ←المصنع البيشتغل بلا طبقة رقمية زي جسم بلا أعصاب: الأعضاء شغالة، لكن ما في حاجة عارفة الحاجة التانية بتعمل شنو.
ذكاء اصطناعي مربوط ببياناتك انت، مش شات عام. يرد على زبائنك في واتساب بمعلومة صحيحة من كتالوجك، ويجاوب موظفينك من عقودك وأسعارك، ويقرا الصور والمستندات الورقية. والرد على الزبون داخل نافذة الخدمة ما بيكلفك رسوم واتساب أصلاً.
الطبقة اللي بتخلي كل حاجة تتكلم مع الحاجة التانية: النظام مع المتجر، المتجر مع واتساب، الماكينة مع اللوحة. أي شغل بيتنقل بي إيد موظف اليوم يقدر يمشي لوحدو.
النظام اللي بيمسك الشغل كلو. ممكن يكون Odoo لو محتاج
نظام متكامل، وممكن يكون تطبيق مفصّل على حاجتك انت لو محتاج حاجة واحدة
محددة — وما بنبيعك نظام كامل لو مشكلتك أصغر منو.
تدخل من أي طبقة، وما في طبقة شرط للتانية. لو مشكلتك أتمتة واحدة، بنعملها ليك في أسبوع وخلاص — ما بنبيعك مشروع نظام كامل عشان نكبّر الفاتورة.
ما بنطلب منك تثق فينا من كلام. اختار مشكلة واحدة من القائمة دي، نأتمتها ليك في أسبوع بسعر ثابت منخفض، وانت تشوف النتيجة بي عينك.
لو عجبتك نكمّل، ولو ما عجبتك ما خسرت حاجة تُذكر. دي أرخص طريقة تعرف بيها إن كان الشغل دا بيفرق معاك ولا لا.
اسأل عن الأتمتة الأولىبنينا الطبقة دي لمجموعتنا نحن الأول — أنظمة ومتاجر وأتمتة وأداة حصر — وبعد ما نضجت وقعدت تشتغل، بقت خدمة بنقدمها لغيرنا.
Odoo خيارنا الافتراضي للطبقة الأولى — بس خيار، مش تعريف الشركة.
Odoo بالذات؟لأنه نظام واحد بيغطي المصنع كلو — من أمر الشراء لحدي الفاتورة — بدل أربعة برامج ما بتتكلم مع بعض. ولأنه مفتوح، يعني ما بتكون رهينة عند شركة واحدة.
ولأننا بنشغّل بيهو مجموعتنا نحن. الكلام دا اختبرناه قبل ما نبيعو.
وبنفصّل ليك في العرض: الرخصة بتدفعها لأودو مباشرة، والتطبيق والدعم لينا — بلا أرقام مخفية.
3–5 مستخدمين · 4–6 أسابيع6–15 مستخدم · 8–12 أسبوع16+ مستخدم · 12–16 أسبوعقبل ما نطلب منك تثق فينا، شوف شنو عملنا لي نفسنا.
ما بنعطي سعر قبل ما نشوف المصنع. أول خطوة زيارة تشخيصية نطلع منها بتقرير يقول ليك: وين بالضبط بتضيع الفلوس، ومن أي طبقة تبدأ، وليه.
واتساب ومكالمات: +249 912 633 708
البريد: info@muneertech.com
الخرطوم بحري — شارع المعونة
تستغرق ساعتين إلى نص يوم حسب حجم المنشأة، وتشمل جولة على الخطوط ومقابلة مع مسؤول المخزن والحسابات.
تخرج بتقرير مكتوب — وهو ليك سواء تعاقدنا أو لا.
اطلب الزيارة